兒童相見不相識，笑問客從何處來

近來中浸喜事連連，有人結婚、有人「生仔」，還要是陸續有來．

雖然不能親身到賀，但能夠從文字和相片裡感受到其中的喜悅，也是好的．

難以想像，下次回來的時候，會是怎麼樣的情景呢？

會不會有一群小孩子走到我的面前，笑問我從什麼地方來呢？(好似高估左自己既魅力噃！哈哈！！)

或者，下次回來的時候，我會假扮成新朋友跟教會的招待「吹吹水」，測試一下他們的待客態度和能力！「吹水」可是我的強項啊！哈哈哈！！！

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

嘩哈哈哈！！！！

點解自己會咁死蠢，竟然連咁簡單既野都諗唔到既？

無錯喇！無錯喇！就係咁樣喇！

哈哈哈哈！！！！(仰天)

xingx2:

When will you catch up with us lei?

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

那管雨急風驟　　八月十八日 (星期六)

昨天小組去貝澳，玩足三日兩夜．不過我只係去一日咁多，即日出返黎．

中午去 Taste 買野，跟住搭的士．點知的士站排長龍，係人龍，唔係車龍！還以為如此壯麗場面，早已成為香港人既「集體回憶」添！結果我地等左超過半小時至上到車．

唔記得自己有冇去過貝澳喇．就算有去過，都應該係廿年前既事．諗落都幾搞笑，自己成日掛住去天涯海角，卻冷落了眼底的一片淨土．究竟是看不上眼，還是別有因由呢？

因為天氣實在太熱太濕既關係，好明顯大部份人都無咩外出既意欲，所以都係留係冷氣房玩 team-building games．

小組常識問答比賽，真係唔問都唔知，原來係短短四個月裡面，小組都有咁多笑位！

玩完遊戲已經七點幾，佢地開爐燒烤，我就係時候要走喇，廢事搞到好夜．等車既時候，看見山後雷電閃過不停，心知不妙．幸好及時上了巴士，也不管窗外雨急風驟了．

X-Gen 區弟兄小重聚日

難得今晚同 CCBC 的弟兄阿發、Jacky 和 Alex 食飯．

哈哈！！雖然無見大家咁耐 (Jacky 除外)，但都可以傾得好入，真係暢快！

嗯，我諗係工作既環境中作上帝既見證，就唔係要扮到自己幾神聖、幾虔誠，而係用咩野態度去面對、處理自己係工作中既過失和罪惡．因為我地其實同未信者一樣，都會犯同樣既錯，唯一既不同，就係我地靠著神無野面對唔到．

噢！原來每個弟兄畢業之後，除左有經濟負擔之外，仲要面對父母既「另類」壓力！諗返自己完全無呢方面既壓力，都算係「恩典」黎．如果唔係既話，都未必可以咁豁出去讀書．